Xeyriyyəçilik – şüurlu şəkildə, səmimi qəlbdən və ürəkdən gələn, heç bir mənfəət güdmədən insanlara əvəzsiz sevgi və xeyirxahlıq etməkdir. Xeyriyyəçilik fədakarlıqla həyata keçirilərsə, qarşılıqsız yaxşı əməllər görən təmənnasız insan fəaliyyətinə çevrilir. Azerbaijan Fish Farm-ın əsas fəaliyyətinin balıqçılıq olduğunu nəzərə alaraq biz, endemik balıq növlərinin təbii yaşayış mühitinin bərpasına yardım göstərir, ətraf mühitin mühafizəsinə yönəlmiş təşəbbüslərimiz ilə yer kürəsinə müsbət töhfə veririk. Yoxsulluq şəraitində yaşayan insanları dəstəkləməli, ianələr etməli, bu və ya digər qlobal və ya yerli problemlərin həlli üçün səy göstərməli, xeyriyyə təşkilatlarının təşəbbüslərini təmənnasız davam etdirmələri üçün hər birimiz dəstək göstərməli və töhfə verməliyik.

Bizim üçün Korporativ Sosial Məsuliyyət torpaq, yem və su resurslarının səmərəli istifadəsi, heyvanlara (eyni zamanda bizim cücələrə) qarşı humanist münasibətin dəstəklənməsi, həmçinin, ətraf mühitin və əməkdaşlarımızın müdafiəsinə yönəlmiş sistemli fəaliyyətdir. "Mərcan" məhsularının istehsalçısı olaraq Azerbaijan Poultry Company daimi monitorinqlər həyata keçirmək və su istehlakını minimuma endirməklə, enerji istehlakının azaldılması üçün yeni texnologiyalar tətbiq etməklə, kənd təsərrüfatı bitkilərinin gübrələnməsi üçün quş peyininin təkrar emal və istifadəsilə ətraf mühitin yaşıllaşdırılmasına və sağlamlaşdırılmasına yardım edir.

Onilliklər boyunca torpaqdan intensiv istifadə bütün dünyada yabanı növlərin sayının azalmasına səbəb olub. İnkişaf etməkdə olan kənd təsərrüfatının yaratdığı imkanlardan səmərəsiz istifadə biomüxtəlifliyin acınacaqlı nəticələrlə üzləşməsinə gətirib çıxara bilər. Azerbaijan Organic Company qürur duyur ki, onun məhsullarının bir qismi - biogübrələr, bal, zəfəran və digər məhsullar biomüxtəlifliyin ve təbiətin qorunması üçün mühüm resurslardandır. Bunlarla yanaşı, kənd təsərrüfatının inkişafı yerli əhaliyə və istehsala böyük dəstək göstərir.

KSM Azerbaijan Flowers Company üçün ən prioritet fəaliyyət istiqamətlərindən biridir. Biz planetimiz və təbii ehtiyatlarımıza qayğı ilə yanaşılması üçün əlimizdən gələni edirik. Bizim istixanalarımızda drenaj su sistemi istifadə olunur ki, bu da bizə Abşeron suvarma kanalından təmiz su sərfiyyatını iki dəfə azaltmağa imkan verir, bioloji təhlükəsizlik sistemləri və yalnız istifadəsinə icazə verilmiş kimyəvi tərkibli gübrələrin ciddi şəkildə seçimi isə ətraf mühitə ziyan vurmadan qızılgüllərin yetişdirilməsi üçün ideal şəraiti yaradır. Təbiətə qayğı ilə yanaşı, biz davamlı xeyriyyəçiliklə məşğul olur və ehtiyacı olanlara mütəmadi şəkildə yardımlar edirik.